|
睇睇澳門的電單車改裝介，真係五花八門，有外型可以改到成架白馬王子一樣，或者噴你自己個樣做車身花都得。引擎心臟改到「識飛」又得，不過改到「識飛」都係講吓笑，車又點識飛呢!
一晚變成「街知巷聞」
大家係咪對今期介紹這部改裝電單車熟口熟面呢?你講得無錯，就係本澳KYMCO光陽電單車總代理新順利電單車行早排激改的JR100。點解咁遲先同大家見面，原因講起都好笑，拍攝當日諗住做獨家，點不知，外景拍完之後，當晚網上已傳遍改裝車相，傳言又話改咗幾多錢?行唔行得車?老實講，一部好車或者非常有吸引力的車，一定多人留意，加多個車展之後，這部改裝JR100可以叫做「街知巷聞」，亦達到最終宣傳的預期效果。
快訊改裝
其實這部JR100改裝，係由本澳「快訊車行」負責人，亦是本澳知名電單車手葉永強親自操刀。葉永強表示，這部改裝車的改裝概念來至直線加速及可以在街上行走理念而改裝的。其中難度在於尋找零件，在不同的渠道尋找最適合的配件，包括台灣、日本等地，遇上合心水而又裝不上的零件，只有手作改裝，所以難度十分高，每晚做到一頭煙，例如把手就換上七、八把了。
重點重心位
這部JR100改裝車，相信大家的目光都放在後輪部份，當然後輪部份難度就是最高的，因為後輪特大又加厚了一倍，所以軸距增長了，所以整車的中心位是最難找出來的，避震部份亦要重新準確定位。大偈葉永強還表示，這部JR改裝後除了是一部陳列品外，最大玩意是可玩直線加速和行街，所以中心位和每一個改裝細節都不能夠掉以輕心，就如軚氣鈕都要細心選配。還有另一重點就是，全車大部份位置都裝上LED燈，所以在夜間看上會更正。大家不如重溫由「快訊車行」大偈葉永強激改這部KYMCO光陽JR100改裝車。
| 
发表于 2009-9-23 02:13:02
发表于 2009-9-23 09:50:06
